దోహా: ఖతార్ ఎనర్జీ జూలై నెల ఇంధన ధరలను ప్రకటించింది. తాజా అప్‌డేట్ ప్రకారం.. ప్రీమియం పెట్రోల్ ధర తగ్గింది. జూన్ నెలలో QR1.95తో పోలిస్తే జూలైలో QR1.90కి తగ్గినట్లు ఖతార్ ఎనర్జీ తెలిపింది. సూపర్ గ్రేడ్ పెట్రోల్, డీజిల్ ధరల్లో మార్పులు లేవని తెలిపింది. జూలైలో సూపర్ గ్రేడ్ పెట్రోల్ QR 2.10, డీజిల్ ధర QR 2.05గా స్థిరంగా ఉండనున్నాయి. అంతర్జాతీయ మార్కెట్‌కు అనుగుణంగా ఇంధన ధరలను ఇంధనం, పరిశ్రమల మంత్రిత్వ శాఖ ప్రతినెలా సవరిస్తున్న విషయం తెలిసిందే. సెప్టెంబర్ 2017 నుండి నెలవారీ ధరల జాబితాను ఖతార్ ఎనర్జీ ప్రకటిస్తూ వస్తోంది.