దోహా: రేపటి నుండి వారంతం వరకు వాతావరణంలో మార్పులు చోటుచేసుకుంటాయని ఖతార్ వాతావరణ విభాగం (క్యూఎండీ) తెలిపింది. అల్పపీడన వ్యవస్థ కారణంగా వారంతంలో పాక్షికంగా మేఘావృతమైన వాతావరణ పరిస్థితులు ఉంటాయని, అక్కడక్కడా వర్షాలు కురిసే అవకాశం ఉందని తెలిపింది. కొన్ని చోట్ల ఉరుములతో కూడిన వర్షం కురుస్తుందని పేర్కొంది. దుమ్మువాతావరణం కారణంగా దృశ్యమానత తగ్గుతుందని తెలిపింది. అలాగే గాలి ఈశాన్య దిశ నుండి ఆగ్నేయ దిశలో బలమైన వేగంతో వీస్తుంది. ఇది కొన్నిసార్లు 30 KT వరకు.. సముద్రతీరంలో 40 KT కంటే ఎక్కువగా ఉంటుందని పేర్కొంది. పౌరులు, నివాసితులు అందరూ జాగ్రత్తగా ఉండాలని ఖతార్ వాతావరణ విభాగం కోరింది.