అగ్రరాజ్యం అమెరికా హెచ్1బీ వీసా దరఖాస్తుల ప్రక్రియను పూర్తిచేసింది. 2017 సంవత్సరానికి గానూ హెచ్1 బీ వీసా కోసం మొత్తం 2.36లక్షల అప్లికేషన్లు వచ్చాయని, వాటి నుంచి నిర్దేశిత 65వేల అప్లికేషన్ల ఎంపిక ప్రక్రియను లాటరీ ద్వారా పూర్తిచేసినట్లు యూఎస్ సిటిజన్ షిప్, ఇమిగ్రేషన్ సర్వీసెస్(యూఎస్ సీఐఎస్) అధికారులు తెలిపారు.అమెరికా ఏటా అనుమతించే 65 వేల హెచ్1బీ వీసాల్లో తొలిప్రాధాన్యంగా 20 వేల వీసాలు ఆ దేశంలో ఉన్నత చదువులు చదవాలనుకునే వారికి ఇస్తుంది. మిగిలిన 45 వేల హెచ్1బీలలో అధికశాతం ఐటీ ఫ్రొఫెషనల్స్ కు కేటాయిస్తుంది. ఎప్పటిలాగే హెచ్1బీ పొందినవారిలో భారతీయుల సంఖ్యే అధికంగా ఉండవచ్చని అంచనా. ఈ ఏడాది హెచ్1బీ అప్లికేషన్ల ప్రక్రియ ఏప్రిల్ 1 నుంచి ప్రారంభమైన సంగతి తెలిసిందే. కంప్యూటర్ ద్వారా నిర్వహించే లాటరీలో 65 వేల మందికి వీసా మంజూరవుతుంది.