కువైట్: యూఏఈ, కువైట్ మధ్య బలమైన సంబంధాలు ఉన్నాయని యూఏఈ మంత్రి నహ్యాన్ బిన్ ముబారక్ అల్ నహ్యాన్ తెలిపారు. యుఎఇకి కువైట్ రాయబారి సలాహ్ అల్ బైజాన్ పదవీకాలం ముగిసిన సందర్భంగా ఆయన ఏర్పాటు చేసిన రిసెప్షన్ లో మంత్రి పాల్గొని మాట్లాడారు. రెండు అరేబియా గల్ఫ్ దేశాల మధ్య ద్వైపాక్షిక సంబంధాలు క్రమంగా అభివృద్ధి చెందుతున్నాయని పేర్కొన్నారు. అమీర్ షేక్ నవాఫ్ అల్-అహ్మద్ అల్-జాబర్ అల్-సబాహ్ తెలివైన నాయకత్వంలో కువైట్ మరింత పురోగతి, సంక్షేమం దిశగా సాగాలని ఆకాంక్షించారు. ద్వైపాక్షిక సంబంధాలను బలోపేతం చేయడంలో ముఖ్యపాత్ర పోషించిన కువైట్ రాయబారి అల్ బైజాన్ కు ఈ సందర్భంగా మంత్రి ధన్యవాదాలు తెలిపారు.