దోహా: ఖతార్‌లోని వర్ధమాన, అనుభవజ్ఞులైన కళాకారుల నుంచి పబ్లిక్ ఆర్ట్ కోసం ఖతార్ మ్యూజియమ్స్ ప్రతిపాదనలను ఆహ్వానించింది. ఆగస్టు 15 లోపు తమ ప్రతిపాదనలను పంపాలని ఖతార్ మ్యూజియంలలో పబ్లిక్ ఆర్ట్ డైరెక్టర్ అబ్దుల్‌రహ్మాన్ అల్ ఇషాక్ తెలిపారు. బహిరంగ ప్రదేశాల్లో ఏర్పాటు చేసేందుకు వీలుగా ఆర్టిస్టులు వారి సృజనాత్మకతతో రూపొందించిన కళాకృతులను ప్రతిపాదించాలని కోరారు. ఖతార్‌లోని సాంస్కృతిక, కళాత్మక వైఖరులను సుసంపన్నం చేసేవిధంగా ప్రతిపాదనలు ఉండాలన్నారు. ఈ సంవత్సరం పబ్లిక్ ఆర్ట్ స్టూడెంట్స్ విభాగంలో యూనివర్సిటీ విద్యార్థులు, గ్రాడ్యుయేట్‌లు తమ ప్రతిపాదనలను సెప్టెంబర్ 5 లోపు పంపాలని సూచించారు.