దుబాయ్‌ రోడ్లపై రేసింగ్‌లకు పాల్పడుతున్న 30 మందిని అరెస్ట్‌ చేశారు దుబాయ్‌ పోలీసులు. తొలి క్వార్టర్‌లో ఈ 30 మందిని అరెస్ట్‌ చేసినట్లు పోలీసు అధికారులు వెల్లడించారు. తమ విన్యాసాలతో రోడ్లపై ప్రయాణించే ఇతర వాహనాలకు ప్రమాదకరంగా వ్యవహరిస్తున్నారని అరెస్టయినవారిపై అభియోగాలున్నాయి. ఎమిరేట్‌లో 391 అఫెన్సెస్‌ నమోదయ్యాయనీ, ప్రమాదకర విన్యాసాలు చేస్తున్నారనే ఆరోపణలు వీరిపై ఉన్నాయని దుబాయ్‌ అసిస్టెంట్‌ పోలీస్‌ కమాండర్‌ మేజర్‌ జనరల్‌ మొహమ్మద్‌ అల్‌ జఫిన్‌ చెప్పారు. 1000 నుంచి 2000 దిర్హామ్‌ల వరకు జరీమానా అలాగే 12 వరకు బ్లాక్‌ పాయింట్స్‌, వెహికిల్‌ని సీజ్‌ చేయడం వంటి చర్యలు నిబంధనల్ని ఉల్లంఘించినవారిపై తీసుకుంటున్నట్లు ఆయన వివరించారు. 2016 తొలి క్వార్టర్‌లో 1.368 మిలియన్‌ అఫెన్సెస్‌ దుబాయ్‌లో నమోదయ్యాయని, వీటిల్లో 776,000 వేగానికి సంబంధించిన నేరాలేననీ, 16,938 మొబైల్‌ ఫోన్‌ ఎబ్యూజెస్‌, 19,000 సీట్‌ బెల్ట్‌ వయొలేషన్స్‌, 680 జంపింగ్‌ రెడ్‌ లైట్‌ సిగ్నల్‌ కేసులు, ఆల్కహాల్‌ సేవించి వాహనాలు నడిపిన కేసులు 327 ఉన్నాయని అధికారులు తెలిపారు.