నందమూరి హీరో కళ్యాణ్ రామ్ నటించిన ‘బింబిసార’ చిత్రం రీసెంట్‌గా ప్రేక్షకుల ముందుకు వచ్చింది.మంచి మౌత్ టాక్ సంపాదించుకుంది ఈ సినిమా. ఫాంటసీ నేపథ్యం కావడంతో, సినిమాకి ప్రేక్షకులు వస్తారా.? లేదా.? అనే అనుమానంతోనే ‘బింబిసార’ యూనిట్ వుంది.
కానీ, అంచనాల్ని తిరగరాసింది. ప్రేక్షకులు ‘బింబిసార’కు బాగానే ఎట్రాక్ట్ అయ్యారు. మంచి ఓపెనింగ్స్ వచ్చాయ్. దాంతో, నందమూరి అభిమానులు ఫుల్ ఖుషీ అవుతున్నారు. 
ఇదిలా వుంటే, ‘#మెగాస్టార్ కళ్యాణ్ రామ్’ అనే హ్యాష్ ట్యాగ్ ఒకటి నెట్టింట వైరల్ అవుతోంది ఈ సందర్భంగా. ఇదెక్కడి విచిత్రం.? మెగాస్టార్‌నీ కళ్యాణ్ రామ్‌నీ కలిపేయడమేంటనీ కొందరు అసహనం వ్యక్తం చేస్తున్నారు. కొందరు నందమూరి దురభిమానులు చేసిన పైత్యమే ఇదంతా అంటున్నారు.

లెజెండ్ మెగాస్టార్ చిరంజీవితో కళ్యాణ్ రామ్‌ని కలిపేయడమేంటని అంటున్నారు. ఇలా చేయడం కళ్యాణ్ రామ్‌కీ నచ్చలేదట.అయితే, నందమూరి ఫ్యామిలీకీ, మెగా ఫ్యామిలీకి మంచి అనుబంధం వున్న సంగతి తెలిసిందే. 

ఆ అనుబంధానికి చిచ్చు పెట్టడానికే కొందరు నందమూరి దురభిమానులు చేసిన సాహస కృత్యంగా ఈ చర్యను అభివర్ణిస్తున్నారు. ఇదిలా వుంటే, ‘బింబిసార’ సినిమా హిట్ అయినందుకు కళ్యాణ్ రామ్‌కీ, బింబిసార యూనిట్‌కీ మెగాస్టార్ చిరంజీవి ట్విట్టర్ వేదికగా శుభాకాంక్షలు తెలియజేయడం విశేషం.