సూపర్ నేచురల్ పవర్స్, ఫాంటసీ నేపథ్యంలో తెరకెక్కిన ‘బింబిసార’ సినిమాని ఈ మధ్య ప్రేక్షకులు బాగానే ఆదరించారు. స్టోరీనీ, స్ర్కీన్‌ప్లేనీ విమర్శకులు సైతం మెచ్చుకున్నారు. అలా పాజిటివ్ బజ్‌తో వీకెండ్‌ని దాటుకుని, ఇంకా ధియేటర్లలో రన్ అవుతోంది ‘బింబిసార’ సినిమా. 

ఇప్పుడు కాస్త ఇదే కాన్సెప్ట్‌తో ఫిక్షనల్ మూవీగా రూపొందుతోన్న సినిమా ‘కార్తికేయ 2’. గతంలో వచ్చిన ‘కార్తికేయ’ సినిమాకి ఫ్రాంచైజీ అంటూ ఈ సినిమా రూపుదిద్దుకుంది. వాయిదాల పర్వం ముగించుకుని, ఆగస్టు 13న ‘కార్తికేయ 2’ ధియేటర్లలో సందడి చేసేందుకు సిద్ధమవుతోంది.
కాగా, ఈ సినిమాకి ఒక్క రోజు ముందే నితిన్ నటించిన ‘మాచర్ల నియోజక వర్గం’ సినిమా కూడా రిలీజవుతోంది. అయితే, ఈ రెండు సినిమాలూ కంప్లీట్ డిఫరెంట్ కాన్సెప్ట్ మూవీస్. నితిన్ పక్కా మాస్ కమర్షయిల్ మూవీతో వస్తున్నాడు.

‘కార్తికేయ 2’గా నిఖిల్ ఫాంటసీ మూవీతో ఎంటర్ అవుతున్నాడు. కమర్షియల్ మూవీస్ అంటే ఏముంది.? నాలుగు పాటలూ, మూడు ఫైట్లూ.. మహా అయితే, ఓ నాలుగు ఎలివేషన్లూ.. ఇదే కదా. కానీ, ఫాంటసీ మూవీ పూర్తిగా డిఫరెంట్ ఫార్మేట్‌లో వుంటుంది. 

ఆల్రెడీ ‘బింబిసార’తో ప్రేక్షకులు అలాంటి ఫీల్‌నే ఎంజాయ్ చేశారు.మళ్లీ అలాంటి ఫీలింగ్ కోరుకునే వారికి ‘కార్తికేయ 2’ ఓ ఆప్షన్ అవుతుంది కదా. అలా నిఖిల్‌కి ఈ సెంటిమెంట్ కలిసొస్తుందేమో చూడాలి మరి.