యూఏఈ: దేశంలోని పలు ప్రాంతాలలో శుక్రవారం తేలికపాటి నుండి మధ్యస్థ వర్షపాతం నమోదయిందని నేషనల్ సెంటర్ ఆఫ్ మెటియోరాలజీ (NCM) తెలిపింది. రస్ అల్ ఖైమాలోని మసాఫీలో మధ్యాహ్నం 3:00 గంటలకు తేలికపాటి వర్షం పడింది. అలాగే దఫ్తాలో మధ్యస్థంగా, మసాఫీ - దఫ్తా రహదారిపై భారీగా, షోకా - అల్ మనాయ్ రహదారిపై తేలికగా, రస్ అల్ ఖైమాలోని వాడి అల్ తవాలో భారీగా వర్షం కురిసిందని ఎన్సీఎం వెల్లడించింది. దీంతో అల్ ఐన్‌లోని రాక్నా ప్రాంతంలో తెల్లవారుజామున 03:45 గంటలకు 24.4°C అత్యల్ప ఉష్ణోగ్రత నమోదయింది. శనివారం నుండి మంగళవారం వరకు వాతావరణం కొన్ని సమయాల్లో పాక్షికంగా మేఘావృతమై ఉంటుందని NCM అంచనా వేసింది. ఆగ్నేయం నుండి ఈశాన్య దిశలో గాలులు గంటకు 40 కి.మీ. వేగంతో వీస్తాయని, ప్రజలు అప్రమత్తంగా ఉండాలని NCM హెచ్చరించింది.