ఖతార్: FIFA వరల్డ్ కప్ ఖతార్ 2022కి ముందు అపార్ట్‌మెంట్ అద్దెల్లో  30 శాతం పెరుగుదల నమోదయింది. ఈ మేరకు సిటీస్కేప్ ఇంటెలిజెన్స్ రిపోర్ట్ 2022 స్పష్టం చేసింది. అయితే, దేశంలో ప్రస్తుతం పెరిగిన అద్దెలు 2023లో తగ్గుతాయని అంచనా వేసింది. దీంతోపాటు రెసిడెన్షియల్ రియల్ ఎస్టేట్ మార్కెట్ కూడా పెరుగుదలను నమోదు చేసిందని నివేదిక తెలిపింది. FIFA వరల్డ్ కప్ ఖతార్ 2022కి ముందు లభ్యత తక్కువగా ఉండటంతో అపార్ట్‌మెంట్ అద్దెలపై మరింత ఒత్తిడి పెరుగుతుందని కూడా నివేదిక పేర్కొంది. ముఖ్యంగా 2010 - 2022 మధ్యకాలంలో అభివృద్ధి చేయబడిన అపార్ట్‌మెంట్‌లు, హోటళ్లు, విల్లాలు, రిటైల్ మాల్స్, కార్యాలయ భవనాలకు డిమాండ్ అధికంగా ఉందని రిపోర్టు పేర్కొంది.