రియాద్: కస్టమర్‌లు రెండు ఉత్పత్తులను కొనుగోలు చేయాలని లేదా ఒక ఉత్పత్తి విక్రయాన్ని మరొకదానికి లింక్ చేయాలని చేప్పే హక్కు విక్రేతకు లేదని వాణిజ్య మంత్రిత్వ శాఖ (MOC) స్పష్టం చేసింది. కస్టమర్ హక్కుల గురించి ప్రజలకు అవగాహన కల్పించేందుకు వారంవారీ ప్రచారంలో భాగంగా మంత్రిత్వ శాఖ తన అధికారిక ట్విట్టర్ ఖాతాలో ప్రచురించిన ఇన్ఫోగ్రాఫిక్‌లో ఈ మేరకు వివరణ ఇచ్చింది. అయితే ఈ నిబంధనకు రెండు మినహాయింపులు ఉన్నాయని మంత్రిత్వ శాఖ పేర్కొంది. దుకాణం నిర్దిష్ట ఉత్పత్తిని కొనుగోలు చేసేటప్పుడు ఒక వస్తువును ఉచితంగా పొందే ఆఫర్‌ను ప్రకటించినట్లయితే, దుకాణాలు లేదా విక్రేతలు ఈ పద్ధతిని ఉపయోగించడానికి అనుమతించబడతారని తెలిపింది. అలాగే ఉత్పత్తి యొక్క బ్రోచర్ లేదా కేటలాగ్ రెండు అంశాలు ఒకదానికొకటి లింక్ చేసినప్పుడు మాత్రమే ఈ నిబంధన నుంచి మినహాయింపు లభిస్తుందని పేర్కొంది. మరింత సమాచారం కోసం వెబ్‌సైట్ https://dalil.mc.gov.sa/ ను చూడాలని మంత్రిత్వ శాఖ కోరింది.