దుబాయ్: దుబాయ్ హిల్స్ మాల్‌లోని ‘రాక్సీ సినిమాస్’ సోమవారం ఈ ప్రాంతంలో అతిపెద్ద సినిమా స్క్రీన్‌ను ఆవిష్కరించింది. ఆగస్టు 31( బుధవారం) నుంచి ఇది ప్రజలకు అందుబాటులోకి రానుంది. 25 మీటర్ల వెడల్పు, 18 మీటర్ల ఎత్తుతో, రాక్సీ ఎక్స్‌ట్రీమ్, మధ్యప్రాచ్యంలో ఇంతకు ముందెన్నడూ చూడని దవడ-డ్రాపింగ్ సినిమాటిక్ అనుభూతిని అందజేస్తుందని సినిమా థియేటర్ యాజమాన్యం పేర్కొంది. ఫిఫా వరల్డ్ కప్ 2022 కోసం ఖతార్‌కు వెళ్లలేని UAEలోని ఫుట్‌బాల్ ఔత్సాహికులు ఈ ప్రాంతంలోని అతిపెద్ద సినిమా స్క్రీన్‌పై అన్ని మ్యాచ్‌లను ఆస్వాదించవచ్చని తెలిపింది. మీడియా ప్రివ్యూ మూవీ స్క్రీనింగ్ సందర్భంగా  రాక్సీలో సినిమాస్ డైరెక్టర్ ముర్రే రియా మాట్లాడుతూ.. ఈ థియేటర్ నిర్మాణానికి నాలుగు సంవత్సరాలు పట్టిందన్నారు. థియేటర్‌లో మొత్తం 382 మంది కూర్చునే అవకాశం ఉందన్నారు. దీంతోపాటు 36 మంది రహస్యంగా సినిమాను ఆస్వాదించడానికి వీలు కల్పించే ప్రత్యేక డైరెక్టర్ బాక్స్ ను ఏర్పాటు చేసినట్లు తెలిపారు.