న్యూఢిల్లీ: రాష్ట్రప‌తి ద్రౌప‌ది ముర్ము ఉపాధ్యాయ దినోత్స‌వం సంద‌ర్భంగా భార‌త ప్ర‌భుత్వం బోధ‌న‌లో ఉత్త‌మ ప్ర‌తిభ క‌న‌బ‌ర‌చిన ఉపాధ్యాయుల‌కు జాతీయ ఉత్త‌మ ఉపాధ్యాయ అవార్డుల‌ను అంద‌జేశారు. ఈ ఏడాది జాతీయ ఉత్తమ ఉపాధ్యాయులుగా ఎంపికైన వారిలో తెలంగాణకు చెందిన ముగ్గురు ఉపాధ్యాయులు ఉన్నారు. వారిలో టీఎన్‌ శ్రీధర్, కందాల రామయ్య, సునీత రావు ఉన్నారు. సోమ‌వారం రాష్ట్రప‌తి భ‌వ‌న్‌లో జ‌రిగిన అవార్డుల ప్ర‌దానోత్స‌వంలో వీరు రాష్ట్రప‌తి నుంచి అవార్డులు స్వీకరించారు. ఈ వీడియోను సోష‌ల్ మీడియాలో పోస్ట్ చేసిన బిజెపి జాతీయ ఉపాధ్య‌క్షురాలు డీకే అరుణ‌.. అవార్డులు అందుకున్న ఉపాధ్యాయుల‌కు అభినంద‌న‌లు తెలిపారు.