అబుధాబి: అబుధాబిలో వినాయక చవితి ఉత్సవాలు తెలుగు వారు ఘనంగా నిర్వహించారు. గణనాథుడికి భక్తులు విశేష పూజలు ధూప దీప నైవేద్యాలు అందించి మండపం వద్ద భక్తులు భజనలు చేస్తూ పారవశ్యo పొందారు.మండపంను విద్యుత్ దీపాల అలంకరణలతో శోభాయమానంగా తీర్చిదిద్ది ప్రత్యేకంగా అలంకరించి ప్రత్యేక పూజలు నిర్వహించి దర్శించుకున్నారు.అనంతరం వినాయక చవితి శుభాకాంక్షలు తెలిపి ఎల్లవేళలా గణనాధుని ఆశీస్సులు ఉండాలని భక్తులు కోరుకున్నారు.ఈ కార్యక్రమంలో 400 మందికి పైగా భక్తులు పాల్గొన్నారని కార్యక్రమ నిర్వాహకులు సూరె వెంకట సుబ్రమణ్యం తెలిపారు.జేజీడీ స్వామీజీ బృందంచే భగవద్గీత పఠనం మరియు సంస్కృత భారతి బృందం వారిచే భజనలు చేసారు.