దోహా: ఫిఫా వరల్డ్ కప్ కు అతిథ్యమిస్తున్న ఖతార్ అందుకోసం గ్రాండ్ గా ఏర్పాట్లు చేస్తోంది. మిడిల్ ఈస్ట్ లో మొదటి సారి ఫిఫా వరల్డ్ కప్ జరగబోతోంది. దీన్ని కనివినీ ఎరుగని రీతిలో నిర్వహించాలని ఖతార్ భావిస్తోంది. పుట్ బాల్ ప్రపంచకప్ చూసేందుకు వచ్చే వారికి అదిరిపోయే అతిథ్యమిచ్చే విధంగా హోటళ్లను సిద్ధం చేస్తోంది. కేవలం ఫిఫా వరల్డ్ కప్ కోసమే కొత్త గా మూడు ఫైవ్ స్టార్ హెటల్స్ ను ప్రారంభించబోతోంది. దాదాపు 12 లక్షల మంది ఫిఫా వరల్డ్ కప్ చూసేందుకు వస్తారని ఖతార్ అంచనా వేస్తోంది. వారందరికీ అతిథ్యం ఇచ్చే విధంగా చేస్తున్న ఏర్పాట్లలో భాగంగా కొత్త గా మూడు ఫైవ్ స్టార్ హోటల్స్ ప్రారంభించనుంది. అక్టోబర్ ఒకటి లోగా కొత్తగా నిర్మించిన మూడు ఫైవ్ స్టార్ హోటల్స్ ప్రారంభం కానున్నాయి.