తాజాగా విడుదల చేసిన సైమా అవార్డుల్లో భాగంగా ఉత్తమ నట అవార్డును దక్కించుకుంది బుట్టబొమ్మ పూజా హెగ్దే. ఈ విషయంలో సర్వత్రా విస్మయం వ్యక్తమవుతోంది. అదేంటీ.? పూజా హెగ్దే ఉత్తమ నటి కాదా.?
అంటే, అందుకు రీజన్ లేకపోలేదు. 2021 సంవత్సరానికి గాను విడుదల చేసిన సైమా అవార్డుల్లో భాగంగా, పూజా హెగ్దేని ఈ అవార్డు వరించింది. బాగాన వుంది. కానీ, ఇదే సంవత్సరం సాయి పల్లవి నటించిన ‘లవ్ స్టోరీ’ సినిమా కూడా ప్రేక్షకుల మన్ననలు అందుకున్న సినిమాల లిస్టులో వుంది. 
అసలు గొడవ ఇక్కడే మొదలైంది. సాయి పల్లవితో పోల్చితే, పూజా హెగ్దే‌ని ఉత్తమ నటి అనగలమా.? ‘మోస్ట్ ఎలిజిబుల్ బ్యాచిలర్’ సినిమాకి సంబంధించి పూజా హెగ్దేకి ఈ అవార్డు దక్కింది. ఈ సినిమాలో పూజా పాత్రతో పోల్చితే, ‘లవ్ స్టోరీ’లో సాయి పల్లవి పాత్ర అద్భుతం అని ప్రత్యేకంగా చెప్పాలా.?
మరి, సైమా లిస్టులో సాయి పల్లవి ఎందుకు చేరలేదు.? ఇక్కడా పాలిట్రిక్సే. తమకు వచ్చిన అవార్డుల్ని ప్రమోట్ చేసుకోగల సత్తా వుండి. ఈ అవార్డు ఫంక్షన్‌కి హాజరయ్యే ముద్దుగుమ్మలనే ఎంచుకుని వారికి అవార్డు ప్రధానం చేస్తారట. ఇదీ సైమా నియమమట. 
ఈ నియమానికి కట్టుబడే సాయి పల్లవిని పక్కన పెట్టి, పూజా హెగ్దేని ఈ అవార్డు కోసం ఎంచుకున్నారన్న మాట. అయినా పిలిచి, అవార్డు ఇస్తామంటే సాయి పల్లవి రాకుండా వుంటుందా చెప్పండి.!