బిగ్‌బాస్ గేమ్ షోకి వున్న క్రేజ్ ప్రత్యేకంగా చెప్పక్కర్లేదు. బుల్లితెర ప్రేక్షకులకు బిగ్‌బాస్ షో స్టార్టవుతుందంటే చాలు. ఎక్కడ లేని వుత్సాహం అలుముకుంటుంది. ఎప్పుడూ జరిగే గొడవలే.. ఎప్పుడూ వుండే కాంట్రవర్సీలే, కంటెస్టెంట్ల మధ్య పోలికలూ కామనే.. అయినా కానీ, బిగ్‌బాస్‌కున్న క్రేజ్ వేరే లెవల్ అంతే.!
తాజాగా బిగ్‌బాస్ తెలుగు ఆరో సీజన్ నడుస్తోన్న సంగతి తెలిసిందే. ఆల్రెడీ స్టార్ట్ అయ్యి వారం గడిచింది. తొలి వారం ఎలిమినేషన్ కోసం జరిగే నామినేషన్ ప్రక్రియ ఆసక్తికరంగా సాగింది. అలాగే ఎలిమినేషన్ డే కూడా అంతే ఆసక్తికరంగా నడిచింది. 
తీరా వీకెండ్ వచ్చేసరికి నో ఎలిమినేషన్ అంటూ తుస్ మనిపించాడు నాగార్జున. ఈ విషయం ముందుగానే లీకు వీరులు ఈ విషయాన్నిబయట పెట్టేశారు. కానీ, ఏదో క్యూరియాసిటీ. ఏమో గుర్రం ఎగరా వచ్చు.. అని. కానీ లీకు వీరుల మాటే చెల్లింది. 
ఇక, ఇప్పుడు మళ్లీ నామినేషన్లు జరిగాయ్. హౌస్ నుంచి ఎలిమినేట్ అయ్యేందుకు కొందరు కంటెస్టెంట్లు రెడీ అయ్యారు. అయితే, ఈ సారి ఎలిమినేషన్ ప్రోసెస్‌పై కూడా కొన్ని లీకులు షురూ అయ్యాయ్. ఈ వారం డబుల్ ఎలిమినేషన్ వుంటుందంటూ ప్రచారం జరుగుతోంది. ఈ ప్రచారం కూడా నిజమవుతుందా.? చూడాలి మరి.