‘బెజవాడ’, ‘నాయక్’ సినిమాలతో తెలుగు ప్రేక్షకులకు సుపరిచితురాలు అయిన అమలా పాల్, తమిళ డబ్బింగ్ సినిమాలతోనూ తనదైన ముద్ర వేసుకుంది టాలీవుడ్‌లో. అయితే, టాలీవుడ్‌లో హీరోయిన్లను కేవలం గ్లామర్ కోసమే తీసుకుంటారు.. అంటూ సంచలన వ్యాఖ్యలు చేసి, టాలీవుడ్ టార్గెట్ అయిపోయింది.
అమలా పాల్, కేవలం హీరోయిన్ మాత్రమే కాదు, ఇప్పుడు నిర్మాత కూడా. నిర్మాణ రంగంలో అడుగు పెట్టి చిన్న సినిమాలతో తన అభిరుచిని చాటుకుంటోంది. అలా స్వీయ నిర్మాణంలో వచ్చిన ‘కడవర్’ సినిమా ఇటీవల ఓటీటీ వేదికగా రిలీజై మంచి ఆదరణ దక్కించుకుంటోంది.
ఈ సినిమాలో అమలా పాల్ పర్ఫామెన్స్‌కి ఓటీటీ ప్రేక్షకులు ప్రశంసలతో ముంచెత్తేస్తున్నారు. ఇలాంటి టైమ్‌లో అమలా పాల్ ఆ తరహా వ్యాఖ్యలు చేయడం ఏం బాగా లేదని సోషల్ మీడియా వేదికగా కొందరు అభిప్రాయ పడుతున్నారు. కేవలం పబ్లిసిటీ కోసమే అమలా పాల్ ఇలాంటి వ్యాఖ్యలు చేసిందా.?
గతంలో సొట్ట బుగ్గల సుందరి తాప్సీ కూడా ఇలాగే టాలీవుడ్‌పై అవాకులు చవాకులు పేలింది. ఆ తర్వాత తప్పు తెలుసుకుని క్షమాపణలు చెప్పాల్సి వచ్చింది. ఇప్పుడు అమలా పాల్ కూడా తన వ్యాఖ్యల్ని వెనక్కి తీసుకుంటుందా.? లేదంటే అమలా పాల్ వ్యాఖ్యలు ఎంత దూరం వెళతాయో చూడాలి మరి.