సౌదీ అరేబియా: సౌదీ అరేబియా ఈ నెల 23 న 92 జాతీయ దినోత్సవ వేడుకలు ఘనంగా జరుపుకుంది. ఈ సందర్భాన్ని పురస్కరించుకొని అంతర్గత వ్యవహారాల శాఖలోని జనరల్ డైరెక్టరేట్ ఆఫ్ పాస్‌పోర్ట్ విభాగం ప్రత్యేక స్టాంప్ ను విడుదల చేసింది. సౌదీ అరేబియా వ్యవస్థాపకుడు అబ్దుల్ అజీజ్ బిన్ అబ్దుల్‌ రహ్మాన్‌ ముఖచిత్రంతో పాటు సౌదీ జాతీయ దినమైన సెప్టెంబర్ 23 తేదీని దీనిపై ముద్రించారు. జాతీయ దినోత్సవ వేడుకల్లో భాగంగా ఈ స్టాంప్ ను విడుదల చేశారు. అంతేకాకుండా  అంతర్జాతీయ ఓడరేవుల ద్వారా సౌదీ కి వచ్చే విదేశీయుల పాస్ పోర్ట్ లపై ఈ స్టాంప్ తో కూడిన స్టాంపింగ్ ను ప్రత్యేకంగా చేయనున్నారు.