మిల్కీ బ్యూటీ తమన్నా పని అయిపోయిందనుకున్న ప్రతిసారీ ఏదో ఒక స్టన్నింగ్ రోల్‌తో మళ్లీ బౌన్స్ బ్యాక్ అవుతుంటుంది. అలాగే, ‘సైరా నరసింహారెడ్డి’ టైమ్‌లో తమన్నాకి వచ్చిన ‘లక్ష్మి’ పాత్ర ఆ కోవకు చెందిందిగానే చెప్పుకోవచ్చు.
ఈ మధ్య మళ్లీ మిల్కీ బ్కూటీ తమన్నాపై కాస్త నెగిటివిటీ అలుముకుంటోంది. ఇటీవలే ‘ఎఫ్ 3’ సినిమాతో ఓ సూపర్ హిట్ తన ఖాతాలో వేసుకున్నప్పటికీ, ఎందుకో ఆ క్రెడిట్ తమన్నాకి అస్సలు దక్కలేదు. టోటల్ క్రెడిట్ అంతా వెంకీ, వరుణ్‌లే కొట్టుకెళ్లిపోయారు.
ఈ లోగా, అనుకోకుండా ‘బబ్లీ బౌన్సర్’ సినిమాతో ప్రేక్షకుల్ని పలకరించింది మిల్కీ బ్యూటీ తమన్నా. ఓటీటీలో ఈ సినిమాని రిలీజ్ చేశారు. డిస్నీ హాట్ స్టార్‌లో ప్రస్తుతం ఈ సినిమా తెలుగు, హిందీ, తమిళ భాషల్లో స్ర్టీమింగ్ అవుతోంది.
ఓటీటీ ప్రేక్షకులు ఈ సినిమాని బాగా ఆదరించారు. బబ్లీ బౌన్సర్‌గా తమన్నా నటన ఆకట్టుకుంది. కూల్ ఎమోషనల్ అండ్ యాక్షన్ ఎంటర్‌టైనర్‌గా తమన్నాకి ప్రశంసలు దక్కుతున్నాయ్ ఈ సినిమాతో. తమన్నా పని అయిపోయిందిలే అనుకున్న టైమ్‌లో మళ్లీ బబ్లీ బౌన్సర్ రూపంలో ఎలా బౌన్స్ బ్యాక్ అయ్యిందో చూశారుగా.
త్వరలో మెగాస్టార్ చిరంజీవితో ‘భోళా శంకర్’ సినిమాతో రాబోతోంది మిల్కీ బ్యూటీ తమన్నా.