కువైట్: నిర్మాణ పనుల కారణంగా ప్రజలకు ఎలాంటి ఇబ్బందులు లేకుండా చర్యలు తీసుకోవాలని మున్సిపల్ మంత్రి డాక్టర్. రానా అల్-ఫారెస్ అధికారులను ఆదేశించారు. భవనాల నిర్మాణానికి సంబంధించి పని వేళలు మార్చేందుకు అవసరమైన చర్యలు తీసుకోవాలని కోరారు. భవన నిర్మాణాల కారణంగా వచ్చే ధూళి, దుమ్ము, శబ్దాల వల్ల ప్రజలు ఇబ్బందులు పడుతున్నారు. దీంతో రాత్రి వేళ్లలో నిర్మాణ పనులు చేపట్టే అవకాశాన్ని పరిశీలించాలని మున్సిపల్ డైరెక్టర్ జనరల్ ఎం. అహ్మద్ అల్-మన్‌ఫౌహికి సూచించారు. మున్సిపాలిటీ లో కార్మికులకు నిర్దిష్టమైన పని గంటలను కేటాయించాలన్నారు. పని వేేళల్లో మార్పు కారణంగా కార్మికులకు ప్రత్యేక అలవెన్స్ ఇవ్వాలని ఇందుకు సంబంధించి ఆర్థిక శాఖ అనుమతి తీసుకోవాలన్నారు. అదే విధంగా శానిటేషన్, అడ్వర్టైజింగ్, ఇన్స్ పెక్షన్  ఇన్‌స్పెక్టర్లు, ఫీల్డ్ లో ఉండే అధికారులకు కూడా అలవెన్స్, ప్రమాదాలకు గురైతే పరిహారానికి సంబంధించి అర్హుల జాబితాను సిద్ధం చేయాలన్నారు.