హైదరాబాద్: మెగాస్టార్ చిరంజీవి టాలీవుడ్‌కి గాడ్ ఫాదర్. అందులో నో డౌట్. 150కి పైగా సినిమాలు చేసిన ఆయనకు అపారమైన అభిమానం వుంది ప్రేక్షకుల్లో. ఇటీవల ‘గాడ్ ఫాదర్’ ప్రీ రిలీజ్ ఫంక్షన్ సందర్భంగా, ‘నన్ను అభిమానించే ప్రతీ అభిమాని నాకు గాడ్ ఫాదరే..’ అని వ్యాఖ్యానించడం విశేషం. 
ప్రస్తుతం ‘గాడ్ ఫాదర్’ సినిమా ప్రమోషన్లలో బిజీగా గడుపుతున్నారు చిరంజీవి. తెలుగుతో పాటూ, హిందీలో కూడా విడుదల కానున్న ఈ సినిమాలో సల్మాన్ ఖాన్ గెస్ట్ రోల్‌లో నటిస్తున్నసంగతి తెలిసిందే. ఈ నేపథ్యంలో రేపు ‘గాడ్ ఫాదర్’ హిందీ ట్రైలర్ బాలీవుడ్‌లో రిలీజ్ కానుంది. 
తాజాగా ఓ బాలీవుడ్ మీడియాకి ఇచ్చిన ఇంటర్వ్యూలో చిరంజీవి, జక్కన్న రాజమౌళి గురించి కొన్ని షాకింగ్ కామెంట్స్ చేశారు. ఆ కామెంట్స్ ఇప్పుడు వైరల్‌గా మారాయి. రాజమౌళితో చిరంజీవి సినిమా ఎప్పుడు అని అడిగితే.? నో నేను రాజమౌళితో సినిమా చేయను.. అని చిరంజీవి చెప్పారు.
అదేంటీ.? తెలుగు సినిమాని ఇండియన్ సినిమాగా మార్చేసిన గొప్ప దర్శకుడు రాజమౌళి కదా.. ఆయన డైరెక్షన్‌లో చిరంజీవి సినిమా చేయకపోవడమేంటీ.? అనుకుంటున్నారా.? అదే అభిప్రాయం ఆయనకూ వుంది. అయితే, అంత గొప్ప దర్శకుడు కోరుకునే అవుట్ పుట్‌ని నేనివ్వలేనేమో అని చిరంజీవి అన్నారు. 
అలాగే, రాజమౌళి తన ఒక్కో సినిమా కోసం నాలుగైదేళ్లు టైమ్ తీసుకుంటారు. నాలుగేళ్లలో నేను నాలుగు సినిమాలు చేసేయాలి.. అందుకే ఆయన డైరెక్షన్‌లో నాకు వర్కవుట్ అవ్వదు అనేశారు చిరంజీవి. అవును అదీ నిజమేగా.!