కువైట్: సెక్యూరిటీ ఆఫీసర్‌నని ప్రవాసులను దోచుకుంటున్న ఓ మాజీ పోలీసును పట్టుకొని జైలుకు పంపించినట్లు పోలీసులు తెలిపారు. దక్షిణ కువైట్‌లోని అల్ అహ్మదీ గవర్నరేట్‌లో సక్యూరిటీ ఆఫీసర్ దుస్తుల్లో ఉండి.. ప్రవాసులను ఆపి డబ్బులు వసూలు చేస్తున్న ఓ వ్యక్తిని పెట్రోలింగ్ పోలీసులు గుర్తించారని, వారిని చూసి అతను పారిపోయేందుకు ప్రయత్నించగా వెంబడించి అతన్ని అరెస్టు చేసినట్లు పోలీసులు తెలిపారు. విచారణ అనంతరం నిందితుడిని సెంట్రల్ జైలుకు తరలించారు. ప్రధానంగా కువైట్ నుండి బహిష్కరించబడతామనే భయాన్ని సద్వినియోగం చేసుకొని,  అక్రమ ప్రవాసులకు వ్యతిరేకంగా తాను అనేక నేరాలకు పాల్పడట్టు పోలీసుల విచారణలో ఆ మాజీ పోలీసు అంగీకరించాడని పోలీసులు తెలిపారు.