ఖతార్: ఖతార్ ఫుట్ బాల్ టీమ్ శనివారం లోకల్ క్యాంప్ ను ప్రారంభించింది. వచ్చే బుధవారం వరకు స్థానిక అభిమానుల కోసం ఈ క్యాంప్ ఉంటుంది. అటు అదివారం నుంచి ఖతార్ టీమ్ కు అల్ సద్ క్లబ్‌లోని జాసిమ్ బిన్ హమద్ స్టేడియంలో ట్రైనింగ్ సెషన్ ప్రారంభం కానుంది. ఈ ట్రైనింగ్ సెషన్ ను చూసేందుకు మీడియాకు, ప్రజలకు అనుమతి ఇచ్చారు. ఖతార్ లో నవంబర్ 20 నుంచి డిసెంబర్ 18 వరకు జరగనున్న FIFA ప్రపంచ కప్ 2022 జరగనున్న సంగతి తెలిసిందే. ఈ టోర్నీ స్థానిక టీమ్ అయిన ఖతార్ ఫుట్ బాల్ టీమ్ ఎలాగైనా ప్రపంచ కప్ గెలుచుకోవాలన్న పట్టుదలతో ఉంది. ఇక్కడ లోకల్ క్యాంప్ ముగిసిన తర్వాత, మార్బెల్లా, స్పెయిన్‌ లోనూ ఖతార్ ఫుట్ బాల్ టీమ్ క్యాంప్ లు నిర్వహించనుంది. ఇక తుది జట్టును నవంబర్ 13 తర్వాత ప్రకటించనున్నారు.