బహ్రెయిన్: బహ్రెయిన్ లో సూపర్ మార్కెట్ నిర్వహించేందుకు ఓ వ్యక్తి బిల్డింగ్ ను అద్దెకు తీసుకొని 9 నెలలుగా అద్దె చెల్లించటం లేదు. దీంతో బిల్డింగ్ యాజమాని కోర్టును ఆశ్రయించాడు. తనకు బకాయి ఉన్న అద్దె డబ్బుల వచ్చేలా ఆదేశాలు ఇవ్వాలని కోరారు. అద్దె అగ్రిమెంట్ కు సంబంధించిన పత్రాలను కోర్టుకు సమర్పించాడు. నెలకు 1800 దిర్హామ్ లు చొప్పున అగ్రిమెంట్ రాసుకున్నామని కానీ గత 9 నెలలుగా 16, 200 దిర్హామ్ లు కిరాయిదారు బకాయి పడ్డాడని తెలిపాడు. అతను ఇచ్చిన చెక్ లు బౌన్స్ అయ్యాయని కోర్టు వాటి ఆధారాలు సమర్పించాడు.  దీంతో కిరాయిదారుపై కోర్టు ఆగ్రహం వ్యక్తం చేసింది. వెంటనే పూర్తి బకాయిలు చెల్లించాలని ఆదేశించింది. లేదంటే అతని ఆస్తి నుంచి జప్తు చేయాలని పోలీసులకు ఆదేశాలు జారీ చేసింది. అదే విధంగా వెంటనే బిల్డింగ్ ఖాళీ చేయాలని తేల్చిచెప్పింది.