మస్కట్: 50 మందికిపైగా చొరబాటుదారులను అరెస్టు చేసినట్లు రాయల్ ఒమన్ పోలీసులు (ROP) తెలిపారు. ఒమన్ సుల్తానేట్‌లోకి పెద్ద మొత్తంలో పొగాకును అక్రమంగా తరలించడానికి చేసిన నాలుగు ప్రయత్నాలను విఫలం చేసినట్లు వారు పేర్కొన్నారు. ధోఫర్ గవర్నరేట్‌లోని కోస్ట్ గార్డ్ పోలీసులు.. నాలుగు స్మగ్లింగ్ ప్రయత్నాలను అడ్డుకున్నారన్నారు. ఈ ఘటనలకు సంబంధించి 51 మంది చొరబాటుదారులు, ఐదుగురు స్మగ్లర్లను అరెస్ట్ చేసినట్లు పోలీసులు తెలిపారు. నిందితుల వద్ద నుంచి పెద్ద మొత్తంలో పొగాకును స్వాధీనం చేసుకున్నట్లు వెల్లడించారు. అరెస్ట్ చేసిన చొరబాటుదారులపై చట్టపరమైన ప్రక్రియలు పూర్తి చేసినట్లు ROP ఒక ప్రకటనలో పేర్కొంది.