కువైట్: రెసిడెన్సీ, వర్క్ చట్టాన్ని ఉల్లంఘించిన 6,112 మందిని గత ఆగస్టు, సెప్టెంబర్‌ నెలల్లో  బహిష్కరించినట్లు కువైట్ అంతర్గత మంత్రిత్వ శాఖ (MoI) తెలిపింది. రెసిడెన్సీ వ్యవహారాల ఇన్వెస్టిగేషన్ డిపార్ట్‌మెంట్ చేపట్టిన తనిఖీల్లో ఆగస్టులో 585, సెప్టెంబర్‌లో 204 మంది సహా 789 మంది చట్టాలను ఉల్లంఘించిన వారిని అరెస్టు చేసినట్లు మంత్రిత్వ శాఖ భద్రతా మీడియా, పబ్లిక్ రిలేషన్స్ విభాగం ఒక ప్రకటనలో తెలిపింది. అలాగే సెప్టెంబర్ 28 నుంచి అక్టోబర్ 6 వరకు మరో 45 మందిని ఇదే కారణంతో అరెస్టు చేసినట్లు పేర్కొంది. పౌరులు, నివాసితులు భద్రతా సిబ్బందితో సహకరించాలని కోరింది. రెసిడెన్సీ, వర్క్ చట్టాలను అందరూ గౌరవించాలని, ఉల్లంఘనదారుల గురించిన సమాచారాన్ని దాచవద్దని, సంబంధిత అధికారులకు సమాచారాన్ని తెలపాలని విజ్ఞప్తి చేసింది.