రియాద్: 4 మిలియన్ల యాంఫెటమైన్ మాత్రలను అక్రమంగా తరలించే ప్రయత్నాన్ని అడ్డుకున్నట్లు సౌదీ అధికారులు తెలిపారు. సౌదీ అరేబియా జనరల్ డైరెక్టరేట్ ఆఫ్ నార్కోటిక్స్ కంట్రోల్, జకాత్, టాక్స్ అండ్ కస్టమ్స్ అథారిటీ సమన్వయంతో చేపట్టిన ఈ ఆపరేషన్ లో 3,989,000 చట్టవిరుద్ధమైన యాంఫెటమైన్ మాత్రలను దేశంలోకి అక్రమంగా తరలించే ప్రయత్నాన్ని అడ్డుకున్నట్లు అధికారులు వెల్లడించారు. బెల్ పెప్పర్స్ షిప్పింగ్‌లో దాచిపెట్టిన టాబ్లెట్లను గుర్తించి స్వాధీనం చేసుకున్నట్లు వివరించారు. యాంఫెటమైన్ మాత్రల తరలింపు ఘటనకు సంబంధించిన ఐదుగురు వ్యక్తులను జెడ్డా, రియాద్‌లలో అరెస్టు చేశామని, వారిని పబ్లిక్ ప్రాసిక్యూషన్‌కు తరలించినట్లు సౌదీ భద్రతాధికారులు వెల్లడించారు.