‘ఆర్ఎక్స్100’ సినిమాతో పాయల్ రాజ్‌పుత్ బోల్డ్ బ్యూటీ అనే ముద్ర వేయించుకున్న సంగతి తెలిసిందే. తొలి సినిమాకే ఇంత ఛాలెంజింగ్ రోల్ ఎంచుకుని పాయల్ రాజ్‌పుత్ పెద్ద సాహసమే చేసిందనుకోవాలి.
అయితేనేం, ఫస్ట్ మూవీకే సెన్సేషనల్ హిట్ కొట్టేసింది పాయల్ రాజ్‌పుత్. అయితే, ఆ తర్వాత ఆ ముద్రను పోగొట్టుకోవడానికి చాలానే కష్టపడాల్సి వచ్చింది పాయల్ రాజ్‌పుత్. 
వెంకటేష్, రవితేజ వంటి స్టార్స్ సరసన నటించాక కానీ, ఆ ఇమేజ్ పోలేదు పాయల్‌కి. తాజాగా ఆమె నటించిన ‘జిన్నా’ సినిమా రిలీజ్‌కి రెడీ అయిన సంగతి తెలిసిందే. ఈ నెల 21న ‘జిన్నా’ ప్రేక్షకుల ముందుకు రానుంది.
ఈ సందర్భంగా తన కెరీర్ గురించి కొన్ని షాకింగ్ విషయాలు పంచుకుంది పాయల్. కెరీర్ మొదట్లో కథల ఎంపికలో చాలా తప్పులు చేశాననీ, కొందరు తనను అలా ప్రేరేపించి, స్ర్కిప్టు వినకుండానే సినిమాలు ఓకే చేసేలా తప్పుదోవ పట్టించారని తెలిపింది. 
కానీ, ఇప్పుడు ఆ తప్పులు రిపీట్ చేయననీ, కథను పూర్తిగా విని, తనకు సెట్ అవుతుందా.? లేదా.? విశ్లేషించుకుని మరీ ఓకే చేస్తున్నానని పాయల్ చెప్పుకొచ్చింది. ‘జిన్నా’ అలా ఓకే చేసుకున్న ప్రాజెక్టే అనీ, ఈ సినిమా మంచి విజయం అందుకుంటుందని ఆశిస్తున్నానని పాయల్ ఆశా భావం వ్యక్తం చేసింది.