యూఏఈ: అజ్మాన్ పోలీసుల కోసం ఎయిర్ సపోర్ట్ సెంటర్ ఒక సంవత్సరం నుండి భద్రతను మెరుగుపరచడానికి, క్షేత్ర స్థాయిలో ట్రాఫిక్‌ను పర్యవేక్షణకు  డ్రోన్‌లను ఉపయోగిస్తోంది. ఇప్పటివరకు 20 భద్రత-నిఘా మిషన్లు, 299 ట్రాఫిక్ మిషన్‌లు, 13,598 నిమిషాల పాటు డ్రోన్ ఎయిర్ కార్యకలాపాలను నిర్వహించినట్లు ఎయిర్ సపోర్ట్ సెంటర్ కెప్టెన్ రషీద్ అల్ అత్తర్ పేర్కొన్నారు.  ఈ మేరకు సోషల్ మీడియాలో ఓ పోస్ట్ ని షేర్ చేశారు. ట్రాఫిక్ జామ్‌లకు గల కారణాలను తెలుసుకోవడంతోపాటు భద్రతా అధికారులకు డ్రోన్స్ ఆపరేషన్స్ సహాయపడుతుందన్నారు. ప్రమాదాల కారణంగా ట్రాఫిక్ జామ్ ఏర్పడితే, దాని తీవ్రతను అర్థం చేసుకోవడానికి డ్రోన్స్ విజువల్స్ ఉపయోగపడతాయని వివరించారు. ఈ డ్రోన్‌లకు అత్యాధునిక సాంకేతికతతో కూడిన కెమెరాలు అమర్చబడి ఉంటాయని, అవి 1,000 మీటర్ల దూరంలో ఉన్న చిత్రాలను స్పష్టంగా తీయగలవన్నారు. వాహానాల నంబర్ ప్లేట్‌ను గుర్తించగలవన్నారు.