కమల్ హాసన్ ముద్దుల తనయ, స్టార్ హీరోయిన్ శృతిహాసన్ జోరు మామూలుగా లేదు. సెకండాఫ్‌లో స్టార్ హీరోల సరసన అవకాశాలు దక్కించుకుంటూ జోరుగా కెరీర్‌లో దూసుకెళ్లిపోతోంది శృతిహాసన్. 
ఇప్పటికే టాలీవుడ్‌లో మూడు ప్రెస్జీజియస్ ప్రాజెక్టులు శృతిహాసన్ చేతిలో వున్నాయ్. అందులో రెండు ప్యాన్ ఇండియా ప్రాజెక్టులు. ప్రబాస్‌తో ‘సలార్’ లో శృతిహాసన్ హీరోయిన్‌గా నటిస్తున్న సంగతి తెలిసిందే. అలాగే మెగాస్టార్ చిరంజీవి సరసన ‘వాల్తేర్ వీరయ్య’లోనూ శృతిహాసనే హీరోయిన్. 
ఇక, నందమూరి నటసింహం బాలయ్యతో ‘వీర సింహారెడ్డి’ సినిమాలోనూ శృతిహాసన్ నటిస్తోంది. వీటితో పాటూ, ఓ ఇంగ్లీష్ మూవీతో హాలీవుడ్‌లోనూ సందడి చేయనుంది.
ఓ రకంగా చెప్పాలంటే, ఇదో హీరోయిన్ సెంట్రిక్ మూవీ అని చెప్పొచ్చు. ‘ది ఐ’ అనే టైటిల్‌తో రూపొందుతోన్న సైకలాజికల్ థ్రిల్లర్. మార్క్ రౌలీతో కలిసి శృతిహాసన్ స్ర్కీన్ షేర్ చేసుకుంటోంది. డాఫ్నే ష్మీన్ ఈ సినిమాకి డైరెక్టర్‌గా వ్యవహరిస్తుండగా, ప్రస్తుతం గ్రీస్‌లో ఈ సినిమా ప్రీ ప్రొడక్షన్ వర్క్ జరుపుకుంటోంది.