మాస్ డైరెక్టర్ బోయపాటి శీను డైరెక్షన్‌లో రామ్ పోతినేని ఓ సినిమా చేస్తున్న సంగతి తెలిసిందే. ఇటీవలే ఈ సినిమా సెట్స్ మీదికెళ్లింది. రెగ్యులర్ షూటింగ్ కూడా జరుగుతోంది. ఈ సినిమాకి సంబంధించి లేటెస్ట్ అప్‌డేట్ ఒకటి బయటికి వచ్చింది.
బోయపాటి సినిమాల్లో ఐటెం సాంగ్స్ అంటే చాలా చాలా స్పెషల్‌గా వుంటాయ్. పక్కా మాస్ స్టెప్పులతో మాస్ జనాల్ని విశేషంగా ఆకట్టుకుంటాయ్. రామ్ లాంటి డాన్సింగ్ స్టార్ వుంటే, ఇంకేముంది ఆ ఐటెం సాంగ్ రచ్చ రచ్చే.
అందుకే ఈ సినిమాలోని ఐటెం సాంగ్ కోసం, బాలీవుడ్ బ్యూటీ ఊర్వశి రౌతెలాని తీసుకొస్తున్నారట. ఈ సాంగ్ కోసం ఊర్వశి రౌతెలాకి భారీ రెమ్యునరేషన్ కూడా ఆఫర్ చేశారట.
ఊర్వశి మంచి డాన్సర్. అలాంటి ఊర్వశికి, రామ్‌లాంటి డాన్సింగ్ పార్ట్‌నర్ దొరికితే ఎలా వుంటుంది. ఈ పాట సూపర్ హిట్టే మరి. ఇదిలా వుంటే, గతంలో ‘బ్లాక్ రోజ్’ సినిమాలో నటించింది ఊర్వశి రౌతెలా. అయితే, ఆ సినిమా ఒక్క సాంగ్ ప్రోమోకి మాత్రమే పరిమితమైంది. సినిమా ఇంతవరకూ రిలీజ్ కాలేదు. 
‘నా తప్పు ఏమున్నదబ్బా..’ అంటూ సాగే ఆ సాంగ్ మాత్రం అబ్బో.! పిచ్చ ఫేమస్ అయ్యిందిలే. ఏమో, ఇప్పుడు బోయపాటి సినిమాతో అయినా ఊర్వశి రౌతెలా తెలుగులో పాగా వేస్తుందేమో చూడాలి మరి. అన్నట్లు రీసెంట్‌గా ‘ది లెజెండ్’ సినిమాలో ఊర్వశి హీరోయిన్‌గా నటించిన సంగతి తెలిసిందే.