కంటెంట్ వున్న సినిమాలకే సుధీర్ బాబు ప్రాధాన్యత ఇస్తూ వస్తాడు. ఆయన సినిమాకి కథే హీరో.అయితే, ఈ మధ్య సుధీర్ బాబు ఎంచుకుంటున్న కథలు బాక్సాఫీస్ వద్ద బోల్తా కొడుతున్నాయనే ఆరోపణ వుంది.
రీసెంట్‌గా ‘ఆ అమ్మాయి గురించి మీకు చెప్పాలి’ సినిమాతో ఓ ఫెయిల్యూర్‌ని తన ఖాతాలో వేసుకున్నాడు సుధీర్ బాబు. ఆ తర్వాత ‘హంట్’ అనే మూవీతో రాబోతున్నాడు. తాజాగా మరో సినిమాని లైన్‌లో పెట్టేశాడీ విలక్షణ హీరో. 
‘సెహరి’ ఫేమ్ జ్ఞానసాగర్ ద్వారక దర్శకత్వంలో ఈ సినిమా తెరకెక్కుతోంది. తాజాగా ఈ సినిమాని అనౌన్స్ చేస్తూ, రిలీజ్ చేసిన పోస్టర్ ఆసక్తి కలిగిస్తోంది. ఓ ఇన్‌లాండ్ లెటర్‌తో కూడిన ఫస్ట్ లుక్ అది. 19ల కాలం నాటి తుపాకి, సగం కాల్చి పెట్టిన సిగరెట్, పాత ల్యాండ్ లైన్ ఫోన్.. రక్తపు చుక్కలు.. ఇలా రకరకాల ఐటెమ్స్‌తో వుంది ఈ ఫస్ట్‌లుక్. 
సుధీర్ బాబు పాత్ర పేరు ‘శివారెడ్డి’ అంటూ పరిచయం చేశారు. నారా చంద్రబాబు నాయుడి సొంత నియోజక వర్గం కుప్పం బ్యాక్ డ్రాప్‌లో ఈ సినిమా వుండబోతోందనీ తెలుస్తోంది. ఫస్ట్‌లుక్‌తోనే ఆసక్తి క్రియేట్ చేయడంతో పాటూ, కాన్సెప్ట్ కూడా మరింత క్యూరియాసిటీ కలిగిస్తోంది. నవంబర్‌లో ఈ సినిమా రెగ్యులర్ షూట్ జరగనుందట. మిగిలిన వివరాలు త్వరలోనే వెల్లడి కానున్నాయ్.