యూఏఈ: ప్రతి ఎమిరేట్‌లోని ట్రాఫిక్ ఫ్లోపై ఇంజనీర్లు సమర్పించిన సాంకేతిక నివేదికల ప్రకారం యూఏఈ రోడ్లపై వేగ పరిమితుల్లో మార్పులు చేశారు. అబుధాబి మినహా అన్ని ఎమిరేట్స్‌లలో వాహనదారుల  బఫర్ స్పీడ్ ను నిర్ణీత వేగ పరిమితి కంటే 20 కి. మీ. ఎక్కువగా ప్రయాణించడానికి అనుమతించారు. అబుధాబి 2018లో బఫర్ విధానాన్ని రద్దు చేసిన విషయం తెలిసిందే. దుబాయ్ పోలీసులు తమ వెబ్‌సైట్‌లో వివిధ రహదారులపై వేగ పరిమితులను వివరించే వివరాలను పొందుపర్చారు. నవంబర్ 3న చేసిన తాజా అప్‌డేట్ ప్రకారం.. వేగ పరిమితులు 60 నుండి 120 కి. మీ. వరకు ఉన్నాయి. మొహమ్మద్ బిన్ జాయెద్, ఎమిరేట్స్ రోడ్‌లలో వేగ పరిమితి గంటకు 110కి.మీ.గా ఉన్నది. అయితే, మిగతా అంతర్గత రోడ్లలో  వేగ పరిమితిని 70 కి.మీ.గా నిర్ణయించారు.