బహ్రెయిన్: బహ్రెయిన్ నేషనల్ రోబోటిక్స్ కాంపిటిషన్ 11వ ఎడిషన్ ప్రారంభమైంది. బ్రిటస్ ఎడ్యుకేషన్ స్పాన్సర్ చేస్తున్న ఈ కాంపిటిషన్ అల్-అరీన్ ప్యాలెస్, స్పాలో రెండు రోజులపాటు జరుగనుంది. ఈ పోటీలను బహ్రెయిన్ విద్యా మంత్రిత్వ శాఖ నిర్వహిస్తోంది. ప్రభుత్వ, ప్రైవేట్ పాఠశాలలకు చెందిన 74 టీములు తరఫున 222 మంది స్టూడెంట్స్ ఇందులో పాల్గొంటున్నారు.  కాంపిటిషన్ లో భాగంగా మొదటి రోజు రోబోమిషన్, రోబోపోర్ట్, ఫ్యూచర్ ఇన్నోవేటర్ అనే మూడు ప్రధాన విభాగాలలో పోటీపడ్డారు. బహ్రెయిన్ నేషనల్ రోబోటిక్స్ కాంపిటిషన్స్ లో విజేతలుగా నిలిచిన జట్లు నవంబర్ 17 నుండి 19 వరకు జర్మనీ నిర్వహించే వరల్డ్ రోబోటిక్ ఒలింపియాడ్‌కు అర్హత సాధిస్తాయి.