దోహా: హమద్ పోర్ట్‌లో నిషేధిత నమిలే పొగాకును తరలించేందుకు చేసిన ప్రయత్నాన్ని మారిటైమ్ కస్టమ్స్ విభాగం అడ్డుకుంది. అనుమానంతో కొబ్బరి, నిమ్మకాయలతో కూడిన షిప్ మెంట్లను తనిఖీలు చేయగా..  25.2396 కిలోల బరువున్న నిషేధిత పొగాకు వస్తువులను గుర్తించి స్వాధీనం చేసుకున్నట్లు కస్టమ్స్ అధికారి తెలిపారు. గత కొన్ని వారాల్లో నిషేధిత పొగాకు స్వాధీనం చేసుకోవడం ఇది మూడోసారి. హమద్ పోర్ట్ అధికారులు నవంబర్ 7న 2,962 కిలోల నిషేధిత పొగాకు, తమలపాకులను స్వాధీనం చేసుకున్నారు. అదే పోర్ట్‌లో అక్టోబర్ 27న 7,000 కిలోల కంటే ఎక్కువ బరువున్న నిషేధిత పొగాకును స్వాధీనం కస్టమ్స్ విభాగం చేసుకున్నారు.