మస్కట్: పట్టణ పర్యావరణాన్ని పరిరక్షించడానికి.. ట్రాఫిక్ సజావుగా సాగేలా చూసేందుకు..  సీబ్‌లోని బహిరంగ ప్రదేశాలు, చౌరస్తాలు, పార్కింగ్ స్థలాలలో నిర్లక్ష్యంగా వదిలేసిన 291 వాహనాలను స్వాధీనం చేసుకున్నట్లు మస్కట్ మునిసిపాలిటీ తెలిపింది. 3,217 వార్నింగ్ స్టిక్కర్లను వాహనాలకు అంటించామని,  ఇచ్చిన గడువులోగా వాటిని తీసుకెళ్లమని యజమానులకు తెలియజేయడం జరిగిందని మునిసిపాలిటీ పేర్కొంది. మస్కట్ గవర్నరేట్‌లోని బహిరంగ ప్రదేశాల్లో నిర్లక్ష్యంగా వాహనాలు వదిలేయడం అడ్మినిస్ట్రేటివ్ డిసిజన్ నెం. (171/2018) నిబంధనల ఆధారంగా చట్టవిరుద్ధమన్నారు. అలాంటి వాహనాలను ఇతర ప్రాంతాలకు తరలించే సందర్భంగా జరితే భౌతిక నష్టాలకు మునిసిపాలిటీ బాధ్యత వహించదని స్పష్టం చేసింది.