సీనియర్ నటి స్నేహ, తన భర్తతో విడాకులు తీసుకుంటోందంటూ ఈ మధ్య ఓ వార్త సోషల్ మీడియాని కుదిపేస్తోంది. అదేంటీ.! చక్కగా భర్త, పిల్లలతో హాయిగా కాపురం చేసుకుంటోన్న స్నేహపై ఇలాంటి వార్తలెందుకు పుట్టాయి.. అంటూ స్నేహ అభిమానులు ఒకింత విస్మయానికి గురవుతున్నారు. ఎలా ఫుట్టిందో ఏమో కానీ, ఈ వార్త సోషల్ మీడియాలో తెగ చక్కర్లు కొట్టేస్తోంది.
ఈ వార్తలకు చెక్ పెట్టేలా తాజాగా స్నేహ, తన భర్తతో క్లోజ్‌గా దిగిన ఫోటో ఒకటి పోస్ట్ చేసింది. దాంతో, ఈ గాసిప్స్‌కి చెక్ పెట్టేసినట్లయ్యింది స్నేహ. స్నేహ, ప్రసన్న దంపతులు చూడముచ్చటైన జంట. పెద్దగా వివాదాల జోలికి కూడా పోని నటి స్నేహ. 
అలాంటిది ఎలా పుట్టిందో ఏమో తెలీదు కానీ, ఈ వార్త పుట్టిందంటే, పెరిగింది.. అన్న చందాన తెగ హల్‌చల్ చేసింది సోషల్ నెటివర్క్‌లో. అయినా, సెలబ్రిటీల విడాకుల ఎపిసోడ్ అంటే, మన నెటిజనానికి భలే సరదా ఆయె. ఆ సరదా కాస్తా ఈ మధ్య ఓ విపరీతమైన పైత్యంలా మారిపోయింది. 
నిప్పు లేనిదే పొగ రాదు.. అనేలా కాస్తో కూస్తో గిల్లి కజ్జాలున్న దంపతుల్ని విడగొట్టేసినా ఫర్వాలేదు. కానీ, ఇదిగో ఇలా చక్కగా ఫ్యామిలీ ఎంజాయ్ చేస్తున్న స్నేహ, ప్రసన్నలాంటి ముచ్చటైన దంపతుల మధ్య చిచ్చు పెట్టుడేందో.!