ఒమన్: హిస్ మెజెస్టి సుల్తాన్ హైతం బిన్ తారిక్ రూపొందించిన విధానంతో ఆర్థిక చర్యలను అమలు చేయడానికి,   విధానాలను క్రమబద్ధీకరించడానికి ఒమన్ ముందుకు సాగుతుందని ఒమన్ ఆర్థిక మంత్రిత్వ శాఖ స్పష్టం చేసింది. కరోనావైరస్ మహమ్మారి సంక్షోభాల ఫలితంగా ఏర్పడిన ఆర్థిక ప్రభావాలను ఒమన్ సమర్థంగా ఎదుర్కొన్నదని, మధ్యకాలిక ఆర్థిక బ్యాలెన్స్ ప్లాన్ (2020-2023) ద్వారా సాధించిన ఫలితాలను మంత్రిత్వ శాఖ వెల్లడించింది.  ఒమన్ విజన్ 2040కి అనుగుణంగా 10వ పంచవర్ష ప్రణాళిక (2021-2025) మద్దతు ఉందని ఒమన్ ఆర్థిక శాఖ పేర్కొంది. ఈ సంవత్సరంలో ఆగస్టు చివరి నాటికి ఒమన్ సుల్తానేట్ రుణాలను చెల్లించగలిగిందన్నారు. అలాగే OMR4 బిలియన్ కంటే ఎక్కువ విలువైన తక్కువ ధర కలిగిన కొన్ని అధిక-ధర బాండ్‌లకు చెల్లింపులను పూర్తిచేసిందని తెలిపారు. ఆర్థిక పునరుద్ధరణకు మద్దతుగా ప్రభుత్వం తీసుకున్న చర్యలు సత్ఫలితాలను ఇస్తున్నాయని పేర్కొంది. 2022 ఆగస్టు చివరి నాటికి OMR18.4 బిలియన్లకు చేరుకోవడానికి వీలుగా ప్రజా రుణ పరిమాణాన్ని OMR2.4 బిలియన్లకు తగ్గించినట్లు తెలిపింది. దీంతో జీడీపీకి ప్రభుత్వ రుణాల నిష్పత్తి 46.5 శాతానికి తగ్గిందని పేర్కొంది. ఇది ఆర్థిక వృద్ధిని ఏకీకృతం చేయడానికి క్రెడిట్ రేటింగ్, ఇతర ప్రయోజనాలను మెరుగుపరచడంతో పాటు, పబ్లిక్ డెట్ రిస్క్‌లను తగ్గించడానికి, భవిష్యత్తులో చెల్లించాల్సిన ప్రభుత్వ రుణ వడ్డీల వ్యయాన్ని సుమారు OMR127 మిలియన్లకు తగ్గించడానికి ప్రభుత్వానికి వీలు కల్పిస్తుందని ఆర్థిక మంత్రిత్వ శాఖ పేర్కొంది. 2022 రెండవ త్రైమాసికం చివరిలో చమురు, చమురుయేతర కార్యకలాపాలలో అదనపు విలువ పెరుగుదల ప్రస్తుత ధరల వద్ద GDP విలువ 30.4 శాతం వృద్ధికి దోహదపడిందని, OMR20.4 బిలియన్లకు పెరిగిందన్నారు. 2021లో ఇదే కాలానికి ఈ అంచనాలు OMR15.6 బిలియన్లుగా ఉన్నది. 10వ పంచవర్ష ప్రణాళిక 2021-2025లో ఇప్పటికే ఆమోదించబడిన ప్రాజెక్టులపై అదనపు అభివృద్ధి ప్రాజెక్టులను అమలు చేయడానికి OMR650 మిలియన్ల కంటే ఎక్కువ కేటాయించాలని హిజ్ మెజెస్టి ది సుల్తాన్ ఆదేశించారని పేర్కొన్నారు. మౌలిక సదుపాయాలను పూర్తి చేయడం, ప్రైవేట్ రంగ కార్యకలాపాలకు మద్దతు ఇవ్వడం, ఒమానీ పౌరులకు మరిన్ని ఉపాధి అవకాశాలను అందించడమే తమ లక్ష్యమని ఆర్థిక మంత్రిత్వ శాఖ తమ నివేదికలో తెలిపింది.