సౌదీ: ఫిఫా ప్రపంచ కప్ ఖతార్ 2022లో అర్జెంటినాపై అద్భుతమైన విజయాన్ని పురస్కరించుకొని సౌదీ అరేబియాలో నవంబర్ 23న పబ్లిక్ హాలిడే ప్రకటించారు. ఫిఫా ప్రపంచ కప్‌లో చారిత్రాత్మక విజయం సాధించిన సందర్భంగా పబ్లిక్ హాలిడే ప్రకటించినట్లు సౌదీ ప్రభుత్వం వెల్లడించింది. ఈ నిర్ణయం ప్రభుత్వ,  ప్రైవేట్ రంగాలలోని ఉద్యోగులందరికీ, అలాగే దేశవ్యాప్తంగా ఉన్న విద్యాసంస్థలు అన్నింటికి వర్తిస్తుందని పేర్కొంది. సౌదీ అరేబియా మంగళవారం దోహాలోని లుసైల్ స్టేడియంలో టైటిల్ ఫేవరెట్ అర్జెంటీనాపై 2-1 గోల్స్ తేడాతో ప్రపంచకప్ చరిత్రలో గొప్ప విజయాన్ని సాధించిన విషయం తెలిసిందే.