విలక్షణ నటుడిగా పేరు తెచ్చుకున్నాడు హీరో సుధీర్ బాబు. సుధీర్ బాబు సినిమాల్లో ఖచ్చితంగా ఆసక్తికరమైన కంటెంట్ వుంటుందన్న నమ్మకం ప్రేక్షకుల్లో వుంది. ఆ నమ్మకాన్ని నిలబెట్టుకోవడంలో ‘ఆ అమ్మాయి గురించి మీకు చెబుతా’ కాస్త నిరాశపరిచినా, తాజా మూవీతో ప్రేక్షకుల్ని అస్సలు నిరాశపరిచేది లేదంటున్నాడు సుధీర్ బాబు.
పక్కా యాక్షన్ ఎంటర్‌టైనర్‌గా రూపొందుతోన్న ఈ సినిమా శరవేగంగా షూటింగ్ జరుపుకుంటోంది. రేపో మాపో రిలీజ్ డేట్ ఫిక్స్ చేసుకోనుంది. సీనియర్ హీరో శ్రీకాంత్‌తో పాటూ, తమిళ హీరో భరత్ ఈ సినిమాలో కీలక పాత్రలు పోషిస్తున్నారు.
సుధీర్ బాబు పవర్ ఫుల్ పోలీసాఫీసర్ పాత్రలో కనిపించనున్న ఈ సినిమాలో చిత్ర శుక్లా హీరోయిన్‌గా నటిస్తోంది. కాగా, ఈ సినిమాలో యాక్షన్ సీక్వెన్సెస్ అత్యంత కీలకమనీ సుధీర్ బాబు చెబుతున్నాడు.
హాలీవుడ్ స్టంట్ కొరియోగ్రఫర్లతో హై ఓల్టేజ్ యాక్షన్ సీక్వెన్సెస్ ప్రేక్షకుల్ని కట్టిపడేస్తాయట. సరికొత్త యాక్షన్ అనుభూతినిచ్చే సినిమా ‘హంట్’ అని సుధీర్ బాబు హింట్ ఇస్తున్నాడు. చూడాలి మరి.