రియాద్: సౌదీ అరేబియాలో భిక్షాటన అస్సలు చేయకూడదు. భిక్షాటన పై సౌదీ ప్రభుత్వం నిషేధం విధించింది. కేవలం రోడ్ల పై తిరుగుతూ, ప్రార్థనా మందిరాల వద్ద కూర్చుని చేసే భిక్షాటనపైనే కాదూ.. ఆన్‌లైన్‌లో యాచించడమూ ఇక్కడ నేరమే. సోషల్ మీడియా వేదికగా.. ఇబ్బందులు చెబుతూ.. ఆర్థిక సహాయాన్ని కోరడాన్నీ సౌదీ ప్రభుత్వం భిక్షాటనగానే పరిగణిస్తుంది. ఆన్‌లైన్ ద్వారా భిక్షాటన చేస్తున్నట్టు పోలీసుల దృష్టికి వెళితే.. సదరు వ్యక్తులకు దాదాపు 6నెలల జైలు శిక్ష తప్పదు. అంతేకాదు భారీ మొత్తంలో ఫైన్ కూడా చెల్లించాల్సి ఉంటుంది. 50వేల సౌదీ రియాల్స్ అంటే దాదాపు రూ.10.86లక్షల ఫైన్ విధించే అవకాశం ఉంటుంది. అయితే.. సహాయం కావాల్సిన వాళ్లు.. అక్కడ చట్టబద్ధమైన చారిటీలను సంప్రదించాల్సి ఉంటుంది.