బహ్రెయిన్‌: 1,450,124 బహ్రెయిన్ వాట్సాప్ వినియోగదారుల డేటాను అమ్మాకానికి పెట్టినట్లు తెలుస్తోంది. ఈ మేరకు  హ్యాకింగ్ కమ్యూనిటీ ఫోరమ్‌లో ఓ పోస్ట్ వైరల్ అవుతోంది. అలాగే సౌదీ అరేబియాలో 28,804,686 మంది, యూఏఈలో 6,978,927 మంది వినియోగదారులు, ఒమన్‌లో 5,048,532 మంది, కువైట్‌లో 4,468,134 మంది వినియోగదారుల ఫోన్ నంబర్‌లు కూడా అమ్మకానికి ఉన్నాయని సమాచారం. 487 మిలియన్ వాట్సాప్ యూజర్ మొబైల్ నంబర్‌ల 2022 డేటాబేస్ అమ్మకానికి ఉందని హ్యాకింగ్ కమ్యూనిటీ ఫోరమ్‌లో పోస్ట్ ద్వారా తెలుస్తున్నది. తాజా సైబర్‌న్యూస్ రిపోర్ట్ పై వాట్సాప్ కంపెనీ మెటా ఇంకా స్పందించాల్సి ఉన్నది.