మహేష్ బాబుతో రాజమౌళి ఓ సినిమా ప్రకటించిన సంగతి తెలిసిందే. ‘ఆర్ఆర్ఆర్’ తర్వాత రాజమౌళి చేయబోయే సినిమా ఇది. ‘బాహుబలి’తో ఓ స్థాయి గుర్తింపు తెచ్చుకున్నరాజమౌళి, ‘ఆర్ఆర్ఆర్’తో ఆ స్థాయిని మరిన్ని రెట్లు పెంచుకున్నాడు. 
ఆ తర్వాత చేయబోయే సినిమా అంతకు మించి అనేలా వుండాలి కదా. అందుకే, గ్లోబ్ ట్రాటింగ్ అనే హై అండ్ నేపథ్యమున్న కథాంశాన్ని మహేష్ సినిమా కోసం ఎంచుకున్నాడు రాజమౌళి. 
గ్లోబ్ ట్రాటింగ్.. అంటూ ప్రపంచాన్ని చుట్టి రావడం.. అయితే, ఈ సినిమాలో మహేష్ చేసే సాహసాలు చూస్తూ జేమ్స్ బాండ్ సినిమాలను తలపిస్తాయనీ అంటున్నారు. అలాగే, విజువల్‌గానూ జేమ్స్ బాండ్ సినిమాల్లోని రిచ్‌నెస్‌ని ఈ సినిమాలో చూపించబోతున్నాడట రాజమౌళి. అండర్ కవర్ కాప్‌గా మహేష్ కనిపించనున్నాడన్న ప్రచారం జరుగుతోంది.
ప్రస్తుతం త్రివిక్రమ్ శ్రీనివాస్ సినిమాతో బిజీగా వున్న మహేష్ బాబు, తదుపరి రాజమౌళి సినిమా కోసం ఎలాంటి మేకోవర్ కనబరుస్తారో చూడాలి మరి.