మస్కట్: ఇంజనీర్ల వర్క్ పర్మిట్ కోసం ఒమన్ కార్మిక మంత్రిత్వ శాఖ కొత్త నిబంధనలు రూపొందించింది. ఇంజనీర్ వృత్తిలో చేరేందుకు ప్రొఫెషనల్ అక్రిడిటేషన్ సిస్టమ్‌ను అమలు చేయడం ప్రారంభించాల్సిన అవసరం ఉందని పేర్కొంది. ఈ మేరకు నిర్మాణ రంగంలో పనిచేస్తున్న అన్ని సంస్థలకు కార్మిక మంత్రిత్వ శాఖ నోటీసు జారీ చేసింది. వర్కింగ్ ఇంజనీర్‌లందరూ ఒమన్ సొసైటీ ఆఫ్ ఇంజనీర్స్‌కి దరఖాస్తు చేసుకోవాలని సూచించింది. మంత్రిత్వ శాఖ నుండి వర్క్ పర్మిట్‌ను పొందడం లేదా పునరుద్ధరించుకోవడం తప్పనిసరి అని తెలిపింది. ఫిబ్రవరి నాటికి వర్క్ పర్మిట్‌లను జారీ చేయడానికి మరియు పునరుద్ధరించడానికి ప్రొఫెషనల్ అక్రిడిటేషన్ తప్పనిసరి చేసినట్లు ఒమన్ కార్మిక మంత్రిత్వ శాఖ వెల్లడించింది.