లెబనాన్‌ నుంచి పౌల్ట్రీ దిగుమతులపై బహ్రెయిన్‌ నిషేధం విధించింది. మునిసిపాలిటీ ఎఫైర్స్‌ మరియు అర్బన్‌ ప్లానింగ్‌ మినిస్ట్రీ, అగ్రిక్లచర్‌ అండ్‌ మెరైన్‌ రిసోర్సెస్‌ డైరెక్టరేట్‌ ఆఫ్‌ వర్క్స్‌ ఈ మేరకు పత్రికా ప్రకటన విడుదల చేశాయి. బర్డ్‌ ఫ్లూ కేసులు వెలుగు చూడ్డంతోనే ఈ నిర్ణయం తీసుకున్నట్లు అధికారిక వర్గాలు వెల్లడించాయి. ఇప్పటికే లెబనాన్‌ నుంచి కోళ్ళ దిగుమతికి అనుమతి పొందినప్పటికీ, ఆ అనుమతుల్ని తాత్కాలికంగా రద్దు చేస్తున్నామనీ, తదుపరి ఉత్తర్వులు విడుదలయ్యేదాకా ఈ నిషేధం వర్తిస్తుందని అధికారులు చెప్పారు. గత కొద్ది రోజులుగా లెబనీస్‌ మీడియా, దేశంలో వెలుగు చూసిన బర్డ్‌ ఫ్లూ కేసులపై కథనాల్ని ప్రసారం చేస్తోంది. దాంతో, లెబనీస్‌ ఫామ్స్‌ మరియు ఫుడ్‌ సెక్యూరిటీ రంగం తీవ్రంగా దెబ్బతింది. బర్డ్‌ ఫ్లూ కేసులు ఎక్కడ వెలుగు చూసినా, ప్రపంచ వ్యాప్తంగా అన్ని దేశాలూ అప్రమత్తమవుతుంటాయి. వేల సంఖ్యలో, ఒక్కోసారి లక్షల సంఖ్యలో బర్డ్‌ ఫ్లూ అనుమానాలతోనే కోళ్ళను దహనం చేస్తుంటారు.