మిల్కీ బ్యూటీ తమన్నా ప్రస్తుతం చాలా బిజీగా వుంది.ఇండస్ట్రీకి వచ్చి ఇన్నేళ్లయినా తమన్నా క్రేజ్ ఏ మాత్రం తగ్గడం లేదు. తమన్నా పనైపోయిందనుకున్న ప్రతిసారీ మరింత ఎనర్జీతో బౌన్స్ బ్యాక్ అవుతూ వస్తూనే వుంది.
ఈ ఏడాది పెద్ద ధియేటర్లో ‘ఎఫ్ 3’ సినిమాతో సందడి చేసిన తమన్నా, ఓటీటీలో ‘బబ్లీ బౌన్సర్’ అంటూ నెట్టింటి ప్రేక్షకుల్ని మెస్మరైజ్ చేసింది.
ఇక, ఇప్పుడు ఆమె నటించిన ‘గుర్తుందా శీతాకాలం’ సినిమా రిలీజ్‌కి సిద్ధమవుతోంది. అప్పుడెప్పుడో రిలీజ్ కావల్సిన ఈ సినిమా అనుకోని కారణాలతో లేట్ అవుతూ వచ్చింది. డిశంబర్ 9న ప్రేక్షకుల ముందుకు వస్తున్న ఈ సినిమా ప్రమోషన్లలో తమన్నా ఎనర్జిటిక్‌గా పాల్గొంటోంది.
కన్నడ మూవీ ‘లవ్ మాక్‌టైల్’కి రీమేక్‌గా రూపొందుతోన్న ఈ సినిమాలో తమన్నా, సత్యదేవ్‌తో జోడీ కడుతోంది. కన్నడ ప్రముఖ దర్శకుడు, నటుడు అయిన నాగ శేఖర్ ఈ సినిమాని తెరకెక్కించారు.
తెలుగులో నాగార్జున సూపర్ హిట్ క్లాసిక్ అయిన ‘గీతాంజలి’ సినిమాతో ఈ సినిమాని పోల్చుతుండడం విశేషం. నిజంగా ఈ సినిమా అంత గొప్ప ఎమోషనల్ టచ్ ఇస్తుందని తాజా ఇంటర్వ్యూలో తమన్నా చెప్పుకొచ్చింది.
మరోవైపు తమన్నా, వచ్చ ఏడాది ‘భోళాశంకర్’ సినిమాతో ప్రేక్షకుల్ని మరోసారి మెస్మరైజ్ చేయనున్న సంగతి తెలిసిందే.