దుబాయ్: శనివారం దుబాయ్ వెళ్తున్న ఎయిర్ ఇండియా ఎక్స్‌ప్రెస్ విమానంలో పాము కనిపించిన ఘటన కలకలం రేపింది. ఎయిర్ ఇండియా ఎక్స్‌ప్రెస్ బోయింగ్ B-737 విమానం కాలికట్ నుండి దుబాయ్‌కి షెడ్యూల్ ప్రకారం బయలుదేరింది. దుబాయ్ విమానాశ్రయంలో ల్యాండ్ అయిన తర్వాత, సిబ్బంది విమానంలో పాము ఉన్నట్లు గుర్తించారు. ఎయిర్ ఇండియా ఎక్స్‌ప్రెస్ B737-800 ఎయిర్‌క్రాఫ్ట్ VT-AXW ఆపరేటెడ్ ఫ్లైట్ IX-343 (కాలికట్-దుబాయ్). దుబాయ్ చేరుకున్నప్పుడు కార్గో హోల్డ్‌లో ఒక పాము కనిపించిందని సీనియర్ డైరెక్టరేట్ జనరల్ ఆఫ్ సివిల్ ఏవియేషన్ (DGCA) అధికారి తెలిపారు. ప్రయాణీకులను సురక్షితంగా విమానం నుంచి తరలించినట్లు చెప్పారు. ఈ ఘటనపై ఏవియేషన్ రెగ్యులేటరీ బాడీ, డైరెక్టరేట్ జనరల్ ఆఫ్ సివిల్ ఏవియేషన్ (DGCA) సమగ్ర విచారణకు ఆదేశించింది.