సోషల్ మీడియా ట్రెండ్ వచ్చాకా ఏదో ఒక పనికిమాలిన విషయాన్ని ఎత్తుకుని ఈజీగా పాపులర్ కావడం అనేది ఓ ప్యాషన్‌గా మారింది. నటిగా చిన్న చిన్న పాత్రలు చేసుకునే కల్పిక గణేష్ ఈ మధ్య అదే ఫార్ములాని ఫాలో చేస్తోంది.
సినిమాల్లో ఏమొస్తుంది కిక్కు.! ఇలా చేస్తేనే కదా అసలు సిసలు కిక్కు. తన తోటి నటీనటులపై సంచలన వ్యాఖ్యలు చేస్తూ పబ్లిసిటీ మూట కట్టుకుంటోంది. 
తాజాగా నటి ధన్య బాలకృష్ణన్‌పై కల్పిక కొన్ని కల్పిత స్టోరీలల్లేసి సోషల్ మీడియాలో ట్రెండింగ్ అవుతోంది. నటి ధన్య బాలకృష్ణన్ కూడా అడపా దడపా చిన్ని చిన్న క్యారెక్టర్లు చేసుకుంటూ నటిగా తన సత్తా చాటుతోంది. 
తెలుగుతో పాటూ, తమిళంలోనూ నటిగా సుపరిచితురాలైన ఈమె ఓ తమిళ డైరెక్టర్‌ని అది కూడా పెళ్లయి విడాకులు తీసుకున్న ఓ డైరెక్టర్‌ని సీక్రెట్‌గా వివాహం చేసుకుని అక్కడే కాపురం పెట్టేసిందని వెల్లడించింది.
అయినా ధన్య ఏం చేస్తే ఈమెకెందుకంట.? ఆ ప్రశ్నయే ఈమెని అడిగితే, సదరు డైరెక్టర్ ధన్యని మెంటల్‌గా హింసిస్తున్నాడనీ, ఆమెపై అనవసరమైన పెత్తనం చెలాయిస్తున్నాడని తనకు అనుమానంగా వుందనీ సెంటిమెంట్ అస్త్రాలు విసురుతోంది. తన దారేదో తాను చూసుకోకుండా, అవతలి వాళ్ల జీవితంలోకి తొంగి చూసుడెందుకు.! అంటూ కల్పికను ఆడి పోసుకుంటున్నారు నెటిజన్లు. అంతేగా.. అంతేగా.!