దుబాయ్‌ స్మార్ట్‌ సిటీ ప్రాజెక్ట్‌లో భాగంగా డ్రైవర్‌లెస్‌ స్మార్ట్‌ కార్‌ని పరీక్షించి చూశారు యూఏఈ వైస్‌ ప్రెసిడెంట్‌, దుబాయ్‌ రూలర్‌ షేక్‌ మహమ్మద్‌ బిన్‌ రషీద్‌ అల్‌ మక్తౌమ్‌. ఈ కారులో 10 నుంచి 12 మంది ప్రయాణీకులు ప్రయాణించడానికి వీలుంటుంది. యుఐటిపి మెనా ట్రాన్స్‌పోర్ట్‌ అండ్‌ ఎగ్జిబిషన్‌ కాంగ్రెస్‌ 2016లో ఈ అద్భుతమైన వాహనం చూపరుల్ని విశేషంగా ఆకట్టుకుంది. సుమారు 100 మీటర్ల దూరం వరకు ఈ వాహనంలో క్రౌన్‌ ప్రిన్స్‌ ప్రయాణించారు. దుబాయ్‌ వరల్డ్‌ ట్రేడ్‌ సెంటర్‌ ఎగ్జిబిషన్‌ హాల్స్‌ని ఈ వాహనంలో తిలకించారాయన. మూడు రోజులపాటు ఈ డ్రైవర్‌లెస్‌ కారు ప్రదర్శనకు అందుబాటులో ఉంటుందని ఆర్‌టిఏకి చెందిన లైసెన్సింగ్‌ ఏజెన్సీ సీఈఓ అహ్మద్‌ హషీమ్‌ బెహ్రూజియాన్‌ చెప్పారు. భవిష్యత్తు పూర్తిగా డ్రైవర్‌లెస్‌ కార్లదేనని ఆయన అన్నారు. 40 మీటర్ల దూరం నుంచే ముందు వస్తున్న వాహనాల్ని ఈ స్మార్ట్‌ కార్‌ గుర్తించి, తదనుగుణంగా తన వేగాన్నీ, దిశనూ మార్చుకుంటుందని ఆయన వివరించారు.